【情人節要小心對方既反話】
話說我喺地鐵見到呢束花，不禁倒抽一口涼氣......嗰陣好有衝動想去執左佢，但男朋友將我扯返返黎先冇咁做。為免大家夜長夢長，去到情人節正日先黎鬧交，等我係咁意比下啲tips你地喇。
其實情人節究竟應唔應該送禮物呢？呢個問題我估問siri都唔知答案。拿，女人最中意就係講反話，明明很想要吧，把口又講到「冇所謂啦bb‼」。如果呢刻你望住佢純情又水汪汪既眼神，拎左個真心出黎相信佢啱啱講既野，恭喜你！我恭喜你！你既下場未必會好似圖中人兄咁慘烈既，最多用十日八日先氹得返女朋友或女神姐。
之但係有個問題.....我地亦唔可以排除有女仔係清泉黎架嘛！？點樣可以分辨到佢想唔想要禮物呢？關鍵就係喺表情度，人識得講大話，細微到表情咁就難啲囉。所以佢話「冇所謂啦bb」嗰陣係咩表情就代表佢既心意：
A. 笑住講完之後一秒冇表情
B. 全程冇表情，甚至黑面
C. 塊面笑得好僵硬咁講
D. 講完再搭一句「痴線！」
E. 好輕鬆、毫不在意咁講
A至C都係賴野既，係呀，佢心裡面係好想要禮物但又唔敢講出黎，驚比人話佢港女；得D同E係真心覺得唔使你送。
事實上送咩都唔緊要啦(應該係除非唔係)，只要你有落足心機去準備，佢實會like既！加油呀咁多位兄弟。
Search